“Neftçi” 2024/25-ci illər mövsümü üçün yeni formasını təqdim edib.

“İki sahil” xəbər verir ki, klubun yaydığı məlumatda qeyd edilib: “Ev oyunları üçün nəzərdə tutulmuş yeni forma klubumuzun 1976-1977-ci illərə aid retro formasından ilhamlanaraq hazırlanıb. İstehsalçı firma tərəfindən xüsusi olaraq “Neftçi” üçün dizayn edilən formamız ağ köynək və qara şortdan ibarətdir. Müasirləşdirilən yeni dizaynımız ilə köklərə bağlılıq konsepsiyamıza sadiqik”.