Dövlət Neft Fondunun (ARDNF) daşınmaz əmlak alt portfeli üzrə hədəflənən alt portfelin qurulması ilə bağlı tələb olunan vaxt və məqbul bençmarkların seçilməsi və təsdiqi istiqamətində görülən işlər də nəzərə alınmaqla altportfel üçün yekun bençmarkın təsdiqi və Fondun fəaliyyətini tənzimləyən müvafiq normativ hüquqi aktlarda öz əksini tapması məsələsinə baxılmalıdır.

“İki sahil” xəbər verir ki, bu barədə Hesablama Palatasının ARDNF-nin 2023-cü il büdcəsinin icrasına verdiyi Rəydə bildirilir.

Bundan başqa, Palata hesab edir ki, qlobal daşınmaz əmlak bazarlarında qeyri-müəyyənliklərə və dəyişən tendensiyalara uyğunlaşmaq məqsədilə uzunmüddətli inkişaf potensialı olan sektorların araşdırılması vacibdir.