Sentyabrın 6-da Azərbaycan Respublikasının Prezidenti İlham Əliyev “Dünya, Avropa və İtaliya haqqında bilgilər” mövzusuna həsr olunmuş Beynəlxalq Çernobbio Forumunda “Yeni geosiyasi şəraitdə Azərbaycanın rolu” adlı sessiyada çıxış edib.
Prezident İtaliya ilə Azərbaycanın uzun illər ərzində strateji tərəfdaş kimi fəaliyyət göstərdiyini vurğulayıb. Dövlətlərin əməkdaşlığı bir çox sahəni əhatə edir. Prezidentimiz öz çıxışında İtaliya ilə ticarət əməkdaşlağımızın fəal olduğunu, Azərbaycanın İtaliyanın bir nömrəli neft və ikinci ən böyük qaz təchizatçısı olduğunu da iştirakçıların nəzərinə çatdırıb:
“Bu gün enerji təchizatı onu aydın şəkildə nümayiş etdirir ki, enerji təhlükəsizliyi milli təhlükəsizliyin ayrılmaz parçasıdır. Azərbaycandan İtaliyayadək uzanan, Cənub Qaz Dəhlizi adlanan 3500 kilometrlik inteqrasiya edilmiş boru kəməri sistemi bu gün 10 ölkənin enerji təhlükəsizliyini təmin edir. Hazırda 10 ölkə Azərbaycandan qaz alır və onlardan 7-si Avropa İttifaqının üzvüdür. Bu səbəbdən Avropa Komissiyası Azərbaycanı ümum-Avropa qaz təchizatçısı və etibarlı tərəfdaş adlandırır”.
İtaliya ilə əməkdaşlığımız tək enerji və ticarətlə məhdudlaşmır, humanitar məsələlər üzərində də fəal işlər görülür. Artıq İtaliya-Azərbaycan Universiteti fəaliyyətə başlayıb. Bu gün və gələcəkdə orada təhsil alacaq gənclər gələcəkdə İtaliya ilə bağlantı rolunda çıxış edəcəklər. Onlar İtalyan dilində səlis danışaraq İtalyan mədəniyyətini, tarixini yaxından tanıyacaqlar. Münasibətlər qarşılıqlı etimad və hörmət üzərində qurularsa o zaman tərəqqinin şahidi ola bilərik.
Prezident İlham Əliyev “Yeni geosiyasi şəraitdə Azərbaycanın rolu” mövzusuna da toxunaraq ən böyük geosiyasi dəyişikliyin azərbaycanın ərazi bütövlüyünün, suverenliyinin bərpasının, münaqişəyə son qoyulmasını vurğulayıb. İşğal altında olan ərzilərimizin böyük hissəsi 2020-ci ildə 44 günlük Vətən müharibəsi nəticəsində azad edildi. Lakin separatçılar dövlətimizin suverenliyinə xələl gətirməyə çalışsalar da bu məsələyə sonuncu nöqtə ötən ilin sentyabr ayında son qoyuldu və Azərbaycanın suverenliyi tam şəkildə bərpa olundu.
“Ən böyük geosiyasi dəyişiklik Azərbaycanın ərazi bütövlüyünün və suverenliyinin bərpası oldu. Bu, həqiqətən onu nümayiş etdirdi ki, beynəlxalq hüququn aliliyi o zaman təmin edilə bilər ki, burada hüquqi çərçivə ilə yanaşı, həmçinin cəsarət və real güc də var”.
Prezident öz çıxışında sonuncu məqam kimi ən böyük iqlim konfransına – COP29-a ev sahibliyi edəcəyimizdən də bəhs edib. Bu qərar 200-ə yaxın ölkə arasında konsensusa əsaslanır. Biz bunu Azərbaycana ehtiramın təzahürü hesab edirik. Tarixdə ilk dəfə COP bizim regionumuzda keçiriləcək.
Hər kəsə məlumdur ki, iqlim mövzusu ölkələri və xalqları ayıran bir mövzudur. Kim planetimizə daha xələl gətirməkdə daha çox günahkardır, kim daha çox ödəmələdir və s. Kimi ittiham və iddialar var. Prezident həmçinin Avropa İttifaqının 10 rəsmi üzvü ilə strateji tərəfdar olduğumuzu və yaxşı nəticə hasil edə biləcəyimizi vurğulayıb.
N.Mahmudova,
24 nömrəli tam orta məktəbin müəllimi,
YAP Xətai rayon təşkilatının üzvü
