İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzi 10-11 oktyabr 2024-cü il tarixlərində "PAŞA Holdinq" MMC-nin təşkilatçılığı ilə Bakıda baş tutacaq “InMerge” Innovasiya Sammitinin əsas tərəfdaşıdır.

“İki sahil” xəbər verir ki,  ənənəvi olaraq 4-cü dəfə keçirilən sammitdə müasir texnologiya və biznesin gələcəyini formalaşdıran müxtəlif transformativ sahələr bu il də diqqət mərkəzində olacaq. Belə ki, müzakirə olunacaq mövzular sırasında Fintech, Telekommunikasiya, E-ticarət, SüniIntellekt, Marketinq, Insurtech kimi önəmli və hazırda trend hesab edilən mövzular olacaq.

4SİM-in təşkilatçılığı ilə, oktyabrın 10-da 5 panel sessiyadan ibarət "Yeni İqtisadiyyat" vertikalı baş tutacaq. Sessiyalardan biri hökumət paneli olmaqla qabaqcıl texnoloqiyaların sayəsində dayanıqlı inkişaf məqsədlərinə nail olma, istehsal prosesində innovasiyaların tətbiqi, data əsaslı idarəetmə və innovasiya ekosisteminin inkişafı kimi mövzular müzakirə olunacaq.

Sammitin bu ilki qonaqları sırasında "YouTube"un həmtəsisçisi Steve Chen, "Amazon"un baş texnologiya direktoru Werner Vogels və Harvard Biznes Məktəbinin professoru Linda Hill kimi tanınmış spikerlər çıxış edəcək.