Türkiyənin Adana şəhərində keçirilən “TEKNOFEST-2024” Aviasiya, Kosmonavtika və Texnologiyalar Festivalında 3D printerində yaradılan təyyarə, helikopter, avtomobil və gəmilər təqdim olunub

“İki sahil” xəbər verir ki, xüsusi proqram təminatı sayəsində süni intellektin köməyi ilə yaradılan bu kiçik pilotsuz maşınlar avtonom şəkildə işləyə bilir. İzmirdə yerləşən “Craft Channel” şirkətinin mütəxəssisləri bildiriblər ki, ilkin mərhələdə 3D dizaynı hazırlanır və təsdiqlənir, daha sonra çap prosesi və proqram təminatının inteqrasiyası aparılır. Pilotsuz nəqliyyat vasitələrinin yaradılması prosesinin videoları internetdə yerləşdirilir və milyonlarla insan tərəfindən izlənilir.

Şirkət qarşısına real gəmi, təyyarə və avtomobil ölçüsündə qurğular yaratmaq məqsədini qoyub, “Craft Channel” qeyd edib ki, onun fəaliyyətinə maraq durmadan artır.