Zəngilan, Azərbaycanın tarixinə dərin iz buraxan, mühüm bir şəhərdir. Şəhər, yerləşdiyi coğrafi mövqeyi ilə əsrlər boyu böyük bir strateji əhəmiyyət daşıyıb. Qarabağın cənub-qərbində yerləşən bu ərazi, həm iqtisadi, həm də hərbi baxımdan hər zaman diqqət mərkəzində olub. Zəngilanın füsunkar təbiəti, münbit torpaqları və meşələri onu Azərbaycan üçün xüsusi önəmli bir bölgəyə çevirir. Ərazidə su ehtiyatları da zəngin olduğu üçün, qədim dövrlərdən bu yana insanlar bu torpaqlarda məskunlaşıb. Bu coğrafi sərvətlər, Zəngilanın iqtisadi əhəmiyyətini daha da artırırdı. Strateji baxımdan da şəhər Ermənistanla sərhəddə yerləşdiyinə görə, düşmən qüvvələrin hər zaman diqqət mərkəzində olub.

1993-cü ildə Ermənistan tərəfindən işğal edilən Zəngilan, Azərbaycanın işğal olunmuş torpaqları arasında xüsusi bir yer tuturdu. Şəhər, həm təbii gözəllikləri, həm də iqtisadi potensialı ilə işğalçı qüvvələrin hədəfində idi. İşğal illərində Zəngilanın bütün infrastrukturu dağıdıldı, yerli əhali öz vətənindən köçkün düşərək çətin şəraitdə yaşamaq məcburiyyətində qaldı. İşğal dövrü boyunca ermənilər tərəfindən şəhərdə çoxsaylı qanunsuz fəaliyyətlər həyata keçirildi, təbii resurslar talan edildi.

Lakin 2020-ci ilin Vətən Müharibəsində Azərbaycan Ordusunun qəhrəmanlıqla həyata keçirdiyi əməliyyatlar nəticəsində Zəngilan azad olundu. Bu tarixi gün, Zəngilanın yenidən doğulması kimi yaddaşlara həkk olundu. Azərbaycanın ərazi bütövlüyü bərpa edildi və Zəngilanın yerli sakinləri öz doğma yurdlarına qayıtmaq ümidini gerçəkləşdirdilər.

Təranə Vəlili,
Bakı şəhəri Xətai rayonu 194№-li tam orta məktəbin kimya müəllimi