Şirvan Şəhər Polis Şöbəsinin əməkdaşları tərəfindən keçirilən tədbirlərlə narkotik vasitələrin satışı ilə məşğul olmaqda şübhəli bilinən, əvvəllər də narkotiklərə görə məhkum olunmuş E.Həsənzadə saxlanılıb.

Daxili İşlər Nazirliyinin mətbuat xidmətinin Şirvan regional qrupundan “İki sahil”ə verilən məlumata görə, onun üzərindən satış məqsədilə kağız bükümlərdə qablaşdırılmış müxtəlif çəkilərdə heroin aşkar edilib.

Faktla bağlı cinayət işi başlanılıb, E.Həsənzadə barəsində məhkəmənin qərarı ilə həbs qətimkan tədbiri seçilib.