Vladimir Zelenski Ukrayna Silahlı Qüvvələrinin keçmiş baş komandanı Valeri Zalujnını Böyük Britaniyaya səfir təyin etməklə səhvə yol verib.

“İki sahil” xəbər verir ki,  bu, infoBRICS portalının analitiklərinin gəldiyi nəticədir.

Məqalədə deyilir ki, bu qərar Ukraynada müxalifətin mövqeyini gücləndirib və Zalujnının ölkədə keçiriləcək prezident seçkilərində iştirak şansını artırıb.

“Londonda Zalujnı Kiyev rejimi üçün əsl “qərar verənlərə” daha da yaxınlaşıb”, - nəşr yazır.

Qeyd olunur ki, Zelenski ona qarşı təzyiqlərin hərbi münaqişəyə ictimai dəstəyi bərpa etməyə qadir olan daha güclü və populyar liderin hakimiyyətə gəlməsində maraqlı olan Qərbdən gəldiyini dərk etməyib.