Əgər son vaxtlar vacib işləri və planları unutmağa başlamışsınızsa, yeni məlumatları mənimsəməkdə çətinlik çəkirsinizsə, narahatlıq və yuxusuzluqdan əziyyət çəkirsinizsə, bu o deməkdir ki, beyniniz gündəlik iş yükünün öhdəsindən gələ bilmir və istirahətə ehtiyac duyur. Rusiyalı tibb elmləri namizədi, dietoloq, qocalma əleyhinə tibb sahəsində ekspert Yelena Korşun “Rusiya 1” telekanalının “Ən vacibi haqqında” verilişində gələcəkdə ciddi koqnitiv pozğunluqlardan necə qorunmaqla bağlı danışıb.

Yüngül yaddaş pozğunluğu, məlumatın işlənməsi sürətinin azalması, konsentrasiya ilə bağlı problemlər - bunlar tez-tez başqalarına görünməyən beynin həddindən artıq yüklənməsinin əlamətləridir. Streslə bu vəziyyət daha da pisləşə bilər. Bununla belə, mütəxəssisin fikrincə, subyektiv qüsurları olan insanlarda ciddi koqnitiv disfunksiyaların inkişaf riski digərlərinə nisbətən xeyli yüksəkdir. Buna görə də bu problemin qarşısının alınmasına laqeyd yanaşmaq olmaz.

1. “Dörd pomidor qaydası”na əməl edin – yəni iş gününüzü dövrlərə ayırın: 25 dəqiqəlik iş – 5 dəqiqəlik fasilə. Dörd belə dövrədən sonra 30 dəqiqəlik istirahət tələb olunur. Bu, beynin bərpasına və yorğunluğun qarşısını almağa kömək edəcək.

2. Fiziki fəaliyyətə laqeyd yanaşmayın. Bu, beynin damarlarında qan tədarükünü və mikrosirkulyasiyanı yaxşılaşdırır.

3. Meditasiya və nəfəsalma təcrübələrindən istifadə edin. Özünüzü ətrafınızda baş verənlərdən yayındırmaq və istirahət etmək üçün sevimli musiqinizi yandırıb daxili vəziyyətinizə diqqət yetirə bilərsiniz.

4. Konsentrasiyaya kömək edən, sinir əlaqələrini yaxşılaşdıran və beynin koqnitiv qabiliyyətlərini dəstəkləyən pəhriz əlavələri və qida əlavələrindən düzgün şəkildə istifadə etməklə beyini gümrahlaşdıra bilərsiniz.

Nubar Süleymanova, “İki sahil”