Sabah Azərbaycanın polis və hərbi məktəblərində təlim keçmək üçün Qvineya-Bisaudan ilk heyət gələcək.

“İki sahil” xəbər verir ki,  bu barədə Qvineya-Bisaunun Prezidenti Umaru Sisoku Embalo fevralın 27-də Bakıda Azərbaycan Prezidenti İlham Əliyev ilə mətbuata bəyanatla çıxışı zamanı bildirib.

O, hələ Sovet İttifaqı vaxtlarında bir çox texniki heyət üzvlərinin Azərbaycanda təhsil aldığını xatırladıb:

"Sabah ilk heyətimiz buraya polis və hərbi məktəblərdə təlim üçün gələcək. Bu, bizim üçün çox vacibdir. Bu gün biz bu əlaqələri yeniləmək üçün buradayıq".

Umaru Sisoku Embalo deyib ki, Qvineya-Bisau və Azərbaycan iki dost ölkədir: 

"Bizim amallarımız ümumidir. Bir sıra vacib məsələlər üzrə əminlik var. BMT və İƏT çərçivəsində əməkdaşlıq edirik, həmin iki təşkilatın üzvüyük".