Azərbaycan vətəndaşları sosial kirayə müqaviləsi əsasında dövlət mənzil fondunun yaşayış sahəsini əldə etmək məqsədilə yalnız bir dəfə yaşayış sahəsinə ehtiyacı olan qismində uçota alına biləcəklər.

“İki sahil” xəbər verir ki, bununla bağlı Mənzil Məcəlləsinə təklif edilən dəyişikliklər Milli Məclisin bugünkü plenar iclasında üçüncü oxunuşda müzakirəyə çıxarılıb.

Layihəyə əsasən, qeyd olunan məsələ ilə bağlı məcəlləyə yeni maddə əlavə edilir.

Xatırladaq ki, Məcəllənin 48-ci bəndinə əsasən, yaşayış sahələrinə ehtiyacı olan hesab edilən aztəminatlı vətəndaşlara, o cümlədən sosial müdafiəyə ehtiyacı olan aztəminatlı gənclərə dövlət və ya bələdiyyə mənzil fondunun yaşayış sahələri verilir.

Layihə müzakirələrdən sonra son oxunuşda qəbul edilib.