Bir sıra ürək xəstəlikləri ekstrakardiyak təzahürlərə malik ola bilər. Rusiyalı televiziya həkimi Aleksandr Myasnikov "Rossiya" telekanalında vaxtında nələrə diqqət yetirmək lazım olduğu barədə danışıb.

Bəzən ürək problemlərini tanımaq çətindir. Aşağıdakı ağrılı simptomlar ilk baxışdan onunla əlaqəli görünmür.

Boyun damarlarının pulsasiyası

Boyunda güclü pulsasiya edən damarlar ürəyin zəif fəaliyyətini və onun bir sıra patologiyalarını göstərə bilər.

Dərinin maviləşmiş nahiyələri

Onlar ürək və ya ağciyər çatışmazlığının əlaməti ola bilər.

Nəfəs darlığı, çənədə və ya çiynində ağrı

Belə ağrılar angina pektorisinin inkişafından xəbər verir.

Qəfil huşunu itirmə

Xəbərdarlıq əlamətləri olmadan, bayılmadan əvvəlki vəziyyət olmadan bayılma da ürək xəstəliyindən xəbər verir.

Bununla belə, ürək xəstəliklərinin inkişafı üçün əsas risk faktorları, doktor Myasnikovun fikrincə, pis vərdişlər, yüksək xolesterol, qlükoza və yüksək qan təzyiqi olaraq qalır.

Nubar Süleymanova, “İki sahil”