Tip 2 diabet çox vaxt ailələrdən keçən isri xəstəliklərdən biridir. Bununla belə, rusiyalı endokrinoloq Alevtina Oranskayanın tövsiyələri sağlamlığınızı belə bir "miras"dan qorumağa kömək edə bilər.

“Valideynlərdən biri şəkərli diabetdən əziyyət çəkirsə, uşaqda bu xəstəliyə irsi meyil 60-80% təşkil edir”, -deyə Rusiya telekanalının efirində 30 ildən çox təcrübəyə malik endokrinoloq Alevtina Oranskaya deyib.

Xəstəliyin inkişafına təsir edən əsas amil piylənmədir. Məhz yağın bədəndə paylanması və onun qarın nahiyəsində yığılması 2-ci tip diabetin inkişaf sürətini müəyyən edir. Pəhrizdə sürətli karbohidratlar üstünlük təşkil etdikdə, bel ətrafında yağ sürətlə yığılır.

Bundan əlavə, xəstəliyin inkişafı endokrin və yoluxucu xəstəliklər tərəfindən təhrik edilir. Ancaq ümidsizliyə ehtiyac yoxdur, çünki belə sağlamlıq problemlərinin qarşısını almaq olar. Həkimlər hətta irsi diabetin inkişafını dayandırmağa kömək edəcək bir neçə qaydaya riayət etməyi məsləhət görürlər:

Pəhriz mütləqdir

Pəhrizinizdə asanlıqla həzm olunan karbohidratlardan çəkinin. Unutmayın ki, gizli karbohidratlar da var: onların açıq bir şirin dadı yoxdur, lakin çox miqdarda şəkər və karbohidratlar ehtiva edirlər. Söhbət müsli, souslar, kolbasalar, pirojnalar və hisə verilmiş ətlər, süd və xama, şirin yoqurtlardan gedir.

Məşq edin

Fiziki fəaliyyət karbohidratları yandırır. Məsələn, su aerobikası və Nordik gəzintisi bədəni yaxşı aerobik məşqlə təmin edir, onun sürətli karbohidratları yandırmasına imkan verir.

Qanınızda şəkərin səviyyəsinə nəzarət edin

Bədənin müayinəsi prediyabetin ilk əlamətlərini vaxtında aşkar etməyə imkan verəcəkdir. Bundan əlavə, hindiba və gimnema ekstraktından əldə edilən inulinə əsaslanan təbii məhsullar qan şəkərinin səviyyəsini normal saxlamağa kömək edir.

Nubar Süleymanova, “İki sahil”