Yer üzündə reallığa qarşı çıxan müqəddəs dini obyektlər var. Bunlar nəfəskəsən təbii mənzərələrdə qurulmuş əsl memarlıq möcüzələridir. Bu yazıda insanın Allaha yaxınlaşmaq üçün yaratdığı heyrətamiz strukturlar haqqında məlumat alacaqsınız:

Panagia Sümela Monastır (Türkiyə)

Sümela Monastırı Türkiyənin Altındərə Vadisi Milli Parkında, 300 metr hündürlükdəki təbaşirli qayalıq üzərində yerləşir. Onun rahiblər Barnabiy və Safronius tərəfindən qurulduğu güman edilir. O əraziyə beynəlxalq hava limanı olan ən yaxın böyük şəhər Trabzondur. Monastr Altındərə Vadisi Milli Parkından 50 kilometr aralıda yerləşir.

Müqəddəs Gildas kapellası (Fransa)

Müqəddəs Gildas Kapellası tamamilə nəhəng bir qranit qayasının altında yerləşən və unikal sülh hissi verən heyrətamiz mənzərə ilə əhatə olunmuş inanılmaz bir tikilidir. Əvvəlcə bura Druidlərin müqəddəs yeri idi. Rəvayətə görə, xristianlığı keltlər arasında yayan Müqəddəs Gildas eramızın 540-cı ilindən başlayaraq dini buradan təbliğ etmişdir.

Sakra di San Mişel (İtaliya)

Sakra di San Mişel Val di Susa vadisinin girişində Monte Pirçiriano üzərində tikilmiş dini kompleksdir. Abbey səmavi qüvvələrin baş komandanı Arxangel Mişelin şərəfinə tikilmişdir. 12-15-ci əsrlərdə kompleks İtaliyada Benedikt ordeninin əsas mərkəzlərindən biri olmuşdur.

Fanjinqşan məbədləri (Çin)

Vulinq dağlarında qayalıq bir yerdə yerləşən bu qədim buddist məbədləri qeyri-real görünür. Onlara çatmaq üçün təxminən dörd saat ərzində 8000-dən çox addım atmaq lazımdır. Dağın zirvəsi Qızıl zirvə adlanır. Məbədlər ayrı-ayrı qayaların üzərində dayanıb, dar dərə ilə ayrılıb. Onları əjdaha şəklində olan tağlı daş körpü ilə keçmək olar.

Madonna de İdris (İtaliya)

Qayaya oyulmuş və qədim "Matera daşları" arasında yerləşən bu heyrətamiz kilsənin 800 ildən çox yaşı var. Təbii sığınacağın qayalıq sahilində kəsilmiş daha əvvəl orta əsr qəbiristanlığının bir hissəsini ehtiva edən daş kilsə, orta əsrlərin sonlarında inşa edilmiş və müqəddəs Məryəmə həsr edilmişdir.

Mərmər Dağları Mağaraları (Vyetnam)

Mərmər Dağları Hoy Andan təxminən 25 kilometr məsafədə, Da Nanq yolunda yerləşir. Onlar mərmərlə zəngin dini və mistik bir yerdə yerləşiblər. Bu dağların hər biri beş təbii elementdən birinin simvoludur: torpaq, su, od, metal və ağac. Hər bir relyefin zirvəsinə qalxdıqca qayaların arasında kiçik dərələrdə yerləşən Buddanın nəhəng mərmər heykəlləri arasında meditasiya və yoqa ilə məşğul ola biləcəyiniz təbii mağaraları, dərələri və dini ziyarətgahları kəşf edə bilərsiniz.

Yamadera məbədi (Yaponiya)

Yamadera məbədi kimi tanınan Rişaku-ji buddist məbədi Yamaqata prefekturasındakı Yamaqata şəhərinin şimal-şərqində yerləşir. Tarixi dəyərinə və ətrafdakı mənzərənin gözəlliyinə görə Yaponiyanın milli sərvətlərindən biri hesab olunur. Məbədə çatmaq üçün 1110 pillə qalxmaq lazımdır.

Zipaquira Duz Katedrali (Kolumbiya)

Bu heyrətamiz katedral Sabana de Boqotadakı Zipaquira duz mədənlərində yerləşir və 2007-ci ildən bəri Kolumbiyanın ilk möcüzəsidir. Müqəddəs Rozariya anaya həsr olunmuş, duz və mərmər heykəllərin zəngin kolleksiyasını ehtiva edir.

Laojun dağının qızıl məbədi (Çin)

Məbədin qızıla boyanmış damı olan pavilyonu Funiu dağlarının ən hündür hissəsində, Laojun dağının zirvəsində, 2217 metr yüksəklikdə yerləşir.

İsanın Müqəddəs Qəlbinin Kəffarə Məbədi (Barselona)

Barselonadakı Müqəddəs Ürək Məbədi Tibidabo dağında yerləşir. Bu, şəhərin ən yüksək nöqtəsidir-512 metrdir. 19-cu əsrin sonunda Katolik Komitəsi orada kilsə tikmək qərarına gəldi. 1886-cı ildə kiçik bir ibadətgah tikildi. 1902-ci ildə məbədin tikintisinə başlandı və 1961-ci ilə qədər tamamlandı.

Nubar Süleymanova, “İki sahil”