Omeqa-3 çatışmazlığı sağlamlığa mənfi təsir göstərərək müxtəlif problemlərə səbəb ola bilər. Sağlamlığı qorumaq üçün qida rasionunuza omeqa-3 ilə zəngin qidaları daxil etmək və lazım gəldikdə pəhriz əlavələrindən istifadə etmək tövsiyə olunur.

Rusiyalı mütəxəssis Kirill Prosçayev qeyd edir ki, bədəndə omeqa-3 çatışmazlığı müxtəlif problemlərə səbəb ola bilər. Məsələn, saç tökülməsi və quru dəri həm qadınlarda, həm də kişilərdə baş verə bilən estetik qüsurlardır.

Şirniyyata qarşı daimi istək yarana bilər. Yağların olmaması səbəbindən bədən enerjini doldurmaq üçün sürətli bir yol axtarır, bu da şirniyyat istehlakının artmasına səbəb olur. Qeyri-müntəzəm yemək və vitamin və zülal çatışmazlığı da şirniyyatlara olan həvəsə səbəb ola bilər.

Ürək-damar xəstəliklərinin inkişafı baş verə bilər. Araşdırmalar göstərir ki, orqanizmində yüksək səviyyədə omeqa-3 olan insanlar daha uzun ömür yaşayır və onlarda ürək-damar xəstəliklərinə daha az rast gəlinir. Omeqa-3 xolesterol mübadiləsinin pozulmasının qarşısını alır, qan dövranını yaxşılaşdırır və təzyiqi normallaşdırır.

Orqanizmdə omeqa-3 səviyyəsini artırmaq üçün balıq, ispanaq, mərcimək, mal ciyəri və kətan yağı kimi qidalar yemək və ya pəhriz əlavələrindən istifadə etmək məsləhət görülür. Eyni zamanda, yüksək keyfiyyətli olanları seçmək və dozasını düzgün seçmək vacibdir.

Nubar Süleymanova, “İki sahil”