Helikobakter pilori bakteriyası xərçəng və psixi pozğunluqların yaranmasında “günahlandırılır”. Rusiyalı biologiya elmləri namizədi Dmitri Alekseyev bu bakteriya haqqında ümumi mifləri müzakirə edib.

Helikobakter pilori bakteriyası qastrit, mədə xorası və onikibarmaq bağırsaq xorasının əsas səbəbidir.

Mif: Hər kəsdə Helikobakter pilori bakteriyası var

Statistikaya görə, dünyada əhalinin 60-70%-i bu bakteriyanın daşıyıcısıdır. Yadda saxlamaq lazımdır ki, bakteriyaların olması xəstəliyin mövcudluğu demək deyil. Xəstəliyin simptomları qarın ağrısı, ürəkbulanma, ürək yanması, şişkinlik, yeməkdən sonra ağırlıqdır.

Fakt: Bəzi qidalar Helikobakter pilori simptomlarını pisləşdirə bilər.

Həqiqətən bakteriyalar mədənin sıx selikli qişasını məhv edən ammonyak buraxır. Mədə şirəsi bu prosesi gücləndirən çox aqressiv bir mühitdir. Sirkə, sarımsaq, ədviyyatlı, turş, isti yeməklər, pomidor, qızardılmış ət və şəkərli qazlı içkilər kimi qidalar yaranan mənfi təsirləri daha da pisləşdirə bilər.

Həqiqət: Bakteriyalar xərçəngin inkişafına kömək edir

Statistikaya görə, Helikobakterin olması mədə xərçənginin inkişaf riskini üç dəfə artırır.

Həqiqət: Bakteriyalar psixi sağlamlığa, depressiyaya təsir edir. Sinir sisteminin normal fəaliyyəti üçün müəyyən vitaminlər və minerallar lazımdır. Bununla belə, Helikobakter bakteriyası onların udulmasını ləngidir. Bu da əsəbiliyə, əhval-ruhiyyənin pisləşməsinə və hətta depressiyaya səbəb ola bilər.

Xoşbəxtlik hormonu sayılan serotoninin 90%-i mədə-bağırsaq traktında istehsal olunur. Bakteriyalar mədə-bağırsaq traktını pozarsa, serotonin səviyyəsi azala bilər.

Ürək yanması və ağrı kimi müxtəlif simptomlar həyat keyfiyyətini və əhval-ruhiyyəni pisləşdirir.

Nubar Süleymanova, “İki sahil”