Bir çox insanlar səhvən C vitamininin onları soyuqdəymədən xilas edəcəyinə inanırlar. Elm adamlarının bu ifadəni çoxdan təkzib etmələrinə baxmayaraq, insanlar C vitamininin soyuqdəymə əleyhinə gücünə inanmaqda davam edirlər. Başqa hansı tibbi miflər mövcuddur?

Mif, yoxsa həqiqət?

“Bütün yaşlı insanlar ürək-damar xəstəliklərindən qorunmaq üçün aspirin qəbul etməlidirlər”

Bu, təhlükəli bir mifdir, çünki bu dərman mədə və ya beyində qanaxmaya səbəb ola bilər. Asetilsalisil turşusunu yalnız həkiminizin göstərişi ilə qəbul edin.

“Semaglutide inyeksiyaları artıq çəki problemini birdəfəlik həll etməyə kömək edir”

Bu ifadə də bir mifdir. Semaglutide qəbul etməyi dayandırdıqdan sonra çəki geri qayıdacaq. Arıqlamaq üçün rutinə fiziki fəaliyyət əlavə etmək və düzgün qidalanmaq daha yaxşıdır.

“Statinlər qanda qlükozanın səviyyəsini artırır və diabetin inkişafına səbəb ola bilər”

Düzdür, qan qlükozasının artması ilə üzləşən insanlar mövcuddur, lakin faizi çox kiçikdir.

“Antibiotiklər kəskin respirator virus infeksiyaları zamanı pnevmoniyanın inkişaf riskini azaldır”

Bu da bir mifdir. Kəskin respirator virus infeksiyaları zamanı sətəlcəmin qarşısını almaq üçün antibiotiklərin təsirsiz olduğunu xatırlamaq lazımdır.

Nubar Süleymanova, “İki sahil”