Rusiya Xarici Kəşfiyyat Xidmətinin direktoru Sergey Narışkin bildirib ki, Amerika kəşfiyyatı ABŞ-ın yeni administrasiyasının tələblərinə görə postsovet məkanına və Asiya-Sakit okean regionuna diqqət yetirəcək.
“İki sahil” xəbər verir ki, bu barədə RİA Novosti məlumat yayıb.
“Onlar ABŞ-ın yeni administrasiyasının səmərəliliyi və büdcə intizamını yaxşılaşdırmaq tələblərinə uyğunlaşmağın yollarını axtarmağa məcburdurlar”, – deyə, agentlik Narışkinin sözlərindən sitat gətirib.
Onun sözlərinə görə, belə şəraitdə ABŞ kəşfiyyat səylərini Vaşinqton üçün ən yüksək prioritet olan ərazilərə - MDB və Asiya-Sakit okean regionuna yönəltmək qərarına gəlib.
