Sabirabad rayonunda minik avtomobillərinin toqquşması 2 nəfərin ölümü, 4-nün yaralanması ilə nəticələnib.
“İki sahil” xəbər verir ki, Rahim Əliyevin və Mircavad Mirqədirlinin idarə etdikləri "VAZ-2107" markalı avtomobillər rayonunun Güdəcühür kəndi ərazisində toqquşub.
Hadisə zamanı Rahim Əliyev və Nilay Əlizadə ölüb. Xəsarət alan şəxslər - Mircavad Mirqədirli, Mirtalıb Talıbov, Tənzilə Əliyeva və Rəhim Əlizadə Şirvan Şəhər Mərkəzi Xəstəxanasına yerləşdiriblər.
Faktla bağlı araşdırma aparılır.
