Yaponiyanın Toyoake şəhərinin hakimiyyət orqanları sakinlərin işdən və məktəbdən kənarda smartfon istifadəsini gündə iki saata məhdudlaşdırmağı təklif ediblər.

“İki sahil” xəbər verir ki, bu barədə “Japantimes” məlumat yayıb.

Bələdiyyə sədri Masafumi Koki bildirib ki, məqsəd yuxu problemləri də daxil olmaqla sağlamlıq risklərini azaltmalıdır.

Məktəblilər üçün ayrıca qaydalar tətbiq edilib: kiçik yaşlı uşaqlara saat 21:00-dan sonra, yeniyetmələrə isə axşam saat 22:00-dan sonra smartfonlardan istifadədən tamamilə imtina etmək tövsiyə olunur.

Bu ideya internetdə qızğın müzakirələrə səbəb olub. Bəzi istifadəçilər iki saatlıq limiti qeyri-real adlandırıblar. Digərləri qeyd ediblər ki, hər bir ailə smartfonlardan nə qədər istifadə edəcəyinə özü qərar verməlidir.

Qəzəbə cavab olaraq mer izah etdi ki, məhdudiyyətlər məsləhət xarakterli olacaq.

Qərar gələn həftə veriləcək: təsdiq olunarsa, tədbir oktyabrda qüvvəyə minəcək.

Oxşar tədbirlər Yaponiyada həyata keçirilib, xüsusən də 2020-ci ildə Kaqava prefektura hökuməti uşaqların oyun oynamasının iş günlərində bir saat, bayramlarda isə 90 dəqiqə ilə məhdudlaşdırılmasını təklif edib. Belə bir qayda var ki, 15 yaşdan kiçik uşaqlar saat 21:00-dan sonra, 15 yaşdan yuxarı yeniyetmələr isə saat 22:00-dan sonra smartfonlardan istifadə etməməlidirlər.

Məhərrəm Ağalaroğlu, “İki sahil”