Çin Xalq Respublikasının Sədri Si Cinpin və Hindistanın Baş naziri Narendra Modi Donald Trampın ABŞ prezidenti seçilməsindən sonra ilk görüşlərini Tiencin şəhərində keçiriblər.

“İki sahil” xəbər verir ki, bu barədə "Bloomberg" agentliyi məlumat yayıb.

Asiya liderləri ABŞ-nin ticarət müharibəsinin iqtisadi nəticələrinə qarşı müqavimət göstərmək məqsədilə əməkdaşlığı dərinləşdirmək barədə razılığa gəliblər.

Agentliyin məlumatına görə, Narendra Modi iki ölkə arasında birbaşa uçuşların bərpa olunduğunu elan edib və son bir ildə qoşunların sərhədin mübahisəli hissələrindən çıxarılmasının münasibətləri sabitləşdirdiyini vurğulayıb.

Si Cinpin isə münasibətlərə uzunmüddətli perspektivdən yanaşmağın vacibliyini qeyd edib, çoxtərəfliliyi dəstəkləməyə və beynəlxalq münasibətlərdə daha çox demokratiyaya çağırıb.

Çin lideri əlavə edib ki, iki ölkə dost və tərəfdaş olmalıdır.