Azərbaycan sosial sahədə elektron keçidi təmin edə bilib.

“İki sahil” xəbər verir ki, bunu əmək və əhalinin sosial müdafiəsi naziri Anar Əliyev "SOCGOV 2025: Süni zəka İnsan və Transformasiya üçün" beynəlxalq konfransın panel sessiyada deyib.

Nazir qeyd edib ki, bu istiqamətdə tədbirlər davam edir:

"İşsiz şəxslərin vakansiyaya çıxışı, onların işəgötürənlərlə əlaqəsi gücləndiriləcək. Vurğulamaq istəyirəm ki, Azərbaycanda əmək müqavilələrin 90%-i elektronlaşdırılıb. Reabilitasiya, əlillik, sosial-psixoloji sahədə elektronlaşmadan, gələcəyin aktual peşələrinin müəyyənləşdirilməsində süni intellektdən istifadə üçün geniş imkanlarımız var".

A.Əliyev əlavə edib ki, Azərbaycanda 2019-cu ildən pensiyalar proaktiv qaydada ödənilir:

"Əslində, bu da süni intellektin tətbiqidir. Növbəti mərhələdə də fəaliyyətlərimizi genişləndirməyi planlaşdırırıq. Həm çağrı mərkəzlərini, həm də DOST mərkəzlərində süni intellektdən geniş istifadəni nəzərdə tuturuq".