3 noyabr, bazar ertəsi günü Çinin Hançjou şəhərində Rusiya və Çin hökumət başçılarının 30-cu müntəzəm görüşü keçirilib.
“İki sahil” "Kommersant"a istinadla xəbər verir ki, Mixail Mişustin və Li Qianq ticarət-iqtisadi əməkdaşlığın inkişafı və enerji tərəfdaşlığının gücləndirilməsi məsələlərini müzakirə ediblər.
Gözlənildiyi kimi, sənaye əməkdaşlığı əsas mövzu olub. Hazırkı mərhələdə hər iki ölkə iqtisadiyyatının xarici çətinlikləri və daxili ehtiyacları nəzərə alınmaqla, texnologiya transferi və birgə müəssisələrə investisiya qoyuluşu əməkdaşlıq üçün ən perspektivli formatlar ola bilər.
Görüş üçün vacib bir kontekst ondan ibarətdir ki, 2025-ci ildə Rusiyanın Ukraynadakı hərbi əməliyyatının başlanğıcından bəri ilk dəfə olaraq Rusiya ilə Çin arasında ticarətdə genişlənmə deyil, azalma ola bilər.
