Roma Katolik Kilsəsinin rəhbəri Papa XIV Leo Türkiyə səfərinin ardından Livanın paytaxtı Beyruta gəlib.

“İki sahil” Anadolu saytına istinadla xəbər verir ki, Papa XIV Leo hava limanında Livan Prezidenti Cozef Aun, parlamentin sədri Nəbih Berri, Baş nazir Navaf Salam və hərbi rəsmilər tərəfindən mərasimlə qarşılanıb.

Papa gün ərzində Beyrutun şərqindəki Prezident sarayında bir sıra şəxslərlə görüşəcək. O, üç günlük səfəri çərçivəsində Beyrut və onun ətrafında dini mərasimlərdə və görüşlərdə iştirak edəcək.