Dünyanın ən böyük internet ensiklopediyası olan "Vikipediya" fəaliyyət göstərdiyi 25 il ərzində ən çox oxunan məqalələrin reytinqini açıqlayıb.

“İki sahil” "Popular Science"a istinadən xəbər verir ki, "Wikimedia" fondunun təqdim etdiyi siyahıda futbol dünyasının iki nəhəngi, Kriştiano Ronaldo və Lionel Messi də yer alıb.

Portuqaliyalı ulduz Kriştiano Ronaldonun səhifəsi ümumilikdə 209 milyondan çox oxunub. Bu göstərici ilə o, tarixin ən çox axtarılan 6-cı şəxsi olub.

Onun əzəli rəqibi Lionel Messi isə 169 milyon baxış sayı ilə siyahıda 11-ci yerdə qərarlaşıb. Argentinalı futbolçu bu nəticə ilə Maykl Cekson, Adolf Hitler və Eminem kimi məşhurları geridə qoymağı bacarıb.

"Vikipediya" tarixinin ən çox oxunan səhifələri (Top-15):

İllər üzrə ölümlər siyahısı - 647 025 321

ABŞ - 328 501 200

Donald Tramp - 325 397 973

II Elizabet - 253 385 102

Hindistan - 210 779 909

Kriştiano Ronaldo - 209 262 818

Barak Obama - 200 619 072

İlon Mask - 197 557 684

İkinci Dünya Müharibəsi - 196 185 039

Böyük Britaniya - 180 986 829

Lionel Messi - 169 027 752

Maykl Cekson - 168 519 508

"Taxt oyunları" (Game of Thrones) - 166 648 136

Adolf Hitler - 163 955 099

Eminem - 159 866 098