Polşanın Varşavaya yaxın, Mşonuve adlı yaşayış məntəqəsində “Deepspot” adlandırılan dünyada ən dərin sayılacaq hovuz istifadəyə verilib. Onun dərinliyi 45,7 metr, ümumi su tutumu isə 8 min kubmetr təşkil edir.

 Hovuz dayvinq mərkəzində yerləşir. Hovuzun dekorasiyası maya məbədləri kimi edilib, içərisində "beşmərtəbəli" mağaralar, 5 metr dərinlikdə sualtı tunellər və otel otaqları vardır.

Qeyd edək ki, “Nemo 33”adlı 33 metrlik belə bir otel 2004-cü ildə Brüssel yaxınlığında açılmışdı, 2014-cü ildə isə İtalyada “Y-40 Deep Joy” adlı 42 metr dərinliyi olan hovuz istifadəyə verilmişdi.

Nubar Süleymanova,

“İki sahil”