24 sentyabr 2019 11:37
107

Günəş fəallığı iki gün ərzində aşağı səviyyədə davam edəcək

Azərbaycan Milli Elmlər Akademiyasının N.Tusi adına Şamaxı Astrofizika Rəsədxanası kosmik hava durumu və proqnozunu açıqlayıb.

Rəsədxanadan bildiriblər ki, Günəş fəallığı çox aşağı səviyyədə olub. 2 MeV-dən çox enerjili elektron seli və 10 MeV-dən çox enerjili proton seli fon səviyyəsində stabil qalıb.

Günəş fəallığı sentyabrın 24-dən 25-dək çox aşağı səviyyədə davam edəcək.

2 MeV-dən çox enerjili elektron selinin proqnoz dövründə normal səviyyədən orta səviyyəyə yüksələcəyi, 10 MeV-dən çox enerjili proton selinin fon səviyyələrində davam etməsi gözlənilir.

Sentyabrın 24-də geomaqnit sahə üçün ümumən sakit şəraitin hökm sürəcəyi proqnozlaşdırılır (Kp=2, 3). Sentyabrın 25-də isə CME-nin sürüşən zərbə dalğası hesabına nisbətən fəal şərait müşahidə oluna bilər (Kp=4). Maqnit qasırğasının yaranması ehtimalı 5 faizdən aşağı qiymətləndirilir.