Biz zəfər çalacağıq! Qarabağ bizimdir, Qarabağ Azərbaycandır!
25 sentyabr 2020 13:54
624

Mənim yaşıdlarım hələ 9-cu sinifdə oxuyur

Bu il ali məktəbə qəbul olan ən gənc tələbənin 15 yaşı var. O, 1 iyun 2005-ci il təvəllüdlü Bəxtiyarova Aynur Əfsəl qızıdır.

Aynur Bəxtiyarova Azvision.az -a bildirib ki, o, 2009-cu ildə Yevlax rayonu 3 saylı orta məktəbə gedib, I sinifdə oxuyanda 4 yaşı olub.

“Bunun səbəbi bacımın məktəbə getməsi idi. Mən də həvəslənirdim və onunla dərsə getmək istəyirdim. 11 illik təhsil müddətində qiymətlərim yaxşı olub və oxumaqla bağlı problemim olmayıb”.

A.Bəxtiyarova 317 balla Xəzər Universitetinin Azərbaycan-dili və ədəbiyyat müəllimliyi ixtisasında qəbul olub.

“Bacım isə Azərbaycan Pedoqoji Universitetinin Biologiya müəllimliyinə qəbul olub. Məktəbə tez getməklə yaşıdlarımdan 2 il qabağa düşdüm. Mənim yaşıdlarım 9-cu sinifdə oxuyur, mən isə ali məktəbə gedəcəyəm”.