16-cı əsrin birinci yarısında Bosniyada 20 il müddətinə Osmanlı İmperiyasının bəyliyini yaradan Qazi Hüsrev bəy tikdirdiyi məscidi, mədrəsəsi, kitabxanası, saat qülləsi, bazarı, mehmanxanası və dükanları ilə o dövrdə Sarayevonun şəhərləşməsində ən vacib addımlar atıb.

“İki sahil” xəbər verir ki, Qazi Hüsrev bəyin təməlini qurduğu və təxminən 500 yaşı olan bu ərazi Sarayevonun ən vacib simvollarından biridir.

Şəhərin içməli su şəbəkəsinin də memarı olan Osmanlı dövlət xadimi indi "Sarayevo quran şəxs" olaraq xarakterizə olunur.

Adını daşıyan mədrəsə bu gün 483 illik yubileyini qeyd edərkən Sarayevo sakinləri və Sarayevoya gələnlər hələ də inşa etdiyi bulaqdan su içir və inşa etdiyi bazarda alış-veriş edir.

Anası tərəfindən Osmanlı sultanlarından biri olan II Bayezidin nəvəsi olan Qazi Hüsrev bəy bu gün Bosniya tarixinin ən əhəmiyyətli adlarından biridir.

Sarayevodaki Gazi Husrev Bəy Vəqfinin Qəyyumlar Şurasının sədri Mustafa Vatrenjak Qazi Husrev bəyin qurduğu əsərlərlə Sarayevonun bir şəhər olmasının təməlini qoyduğunu söyləyib.