13 mart 2020 17:36
771

ÜST koronavirusa görə Azərbaycana yeni tövsiyə verdi

"Yeni virus olduğundan biz də bir çox şeylər öyrənirik. Xəstəliyin və aşkar olunan ölkələrin sayı çoxaldığından pandemiya hesab edildi. Biz profilaktik tədbirləri bu gün də davam etdiririk".

"Report" xəbər verir ki, bunu Ümumdünya Səhiyyə Təşkilatının nümayəndəsi, missiyanın rəhbəri Karolin Braun deyib.

Onun sözlərinə görə, COVID-19-u pandemiya elan etdikdən sonra ölkələrə çağırış edildi ki, bütün cəhdlərini səfərbər etsinlər: "Azərbaycana da müraciət edərək virusun erkən araşdırılması məsələsinə önəm vermələrini tövsiyə edirik. Səhiyyə orqanları ilə görüşümüzdə əsas diqqət yetirilməli olan məsələləri müzakirə etmişik".