16 mart 2020 20:18
2652

Yazda immuniteti möhkəmləndirmək üçün bunları mütləq yeməlisiniz

Yaz fəslində insanın immun sistemi zəifləyir və bu səbəbdən məhz yazda biz virus və soyuqdəymə xəstəliklərinə daha tez-tez tutuluruq.

Ona görə də yazda immuniteti mütləq möhkəmləndirmək lazımdır. Yeni koronavirusun tüğyan etdiyi dövrdə bu, xüsusilə aktual məsələyə çevrilir.

İmmuniteti möhkəmləndirmək üçün ilk növbədə tamdəyərli qidalanmaq lazımdır. Bütün pəhrizlərə  “stop” deyin. İmmun hüceyrələri “immunoqlobulinlər” adından məlum olduğu kimi “qlobulin”lərdən yəni zülallardan ibarətdir. Bu səbəbdən qidalanmada zülallarla zəngin olan məhsulların miqdarını artırır. Bu, ilk növbədə ət, balıq, yumurta və süd məhsullarına aiddir.

Zülallardan əlavə immunitetin normal səviyyədə olması üçün bizə bəzi vitamin və minerallar da lazımdır.

Diyetoloqlar immun sistemi üçün ən faydalı olan məhsulları təyin edib.

- İstənilən göyərtilər. Vitamin və mineralların ən zəngin mənbəyidir.

- Yerkökü. Karotinoidlərin zəngin mənbəyidir. Karotinoidlər orqanizmdə A vitamininə çevrilir.

- Qoz, fındıq, badam, püstə, keşyu və s. Əvəzolunmaz Omeqa-3 və Omeqa-6 yağlı turşular, E vitamini, sink, selen və mislə zəngindir.

- Kətan toxumu, çia toxumu, küncüt, balqabaq və günəbaxan tumları. Omeqa-3 və Omeqa-6, E vitamini, bir çox minerallarla zəngindir.

- Kələm. A və C vitaminləri, selenlə zəngindir.

Röya Rasimqızı, “İki sahil”