"Rostov"un yarımmüdafiəçisi Ayaz Quliyev yenidən "Spartak"da çıxış edə bilər.
Qol.az-ın Rusiyanın don24.ru saytına istinadən yaydığı xəbərə görə, Moskva təmsilçisi sabiq futbolçusunu heyətinə cəlb etnək istəyir.
"Qırmızı-qaralar"ın azərbaycanlı oyunçunun keçidi üçün 1 milyon avro ödəməyə hazır olduğu bildirilir. "Spartak" Ayazı son vaxtlar adı qalmaqallarda çəkilən Denis Qluşakovla əvəzləmək niyyətindədir.
Qeyd edək ki, Ayaz Quliyev bu ilin yanvarında "Spartak"dan "Rostov"a keçib. Rusiyanın U-21 yığmasının üzvü olan yarımmüdafiəçinin əsas millimizə cəlb olunması gündəmdədir.