Rumıniyanın sonuncu Kralı, görkəmli dövlət xadimi Birinci Mihainin vəfatı ilə əlaqədar bu ölkənin Azərbaycandakı səfirliyində xatirə kitabı açılıb.

İqtisadiyyat Nazirliyinin mətbuat xidmətindən AZƏRTAC-a bildiriblər ki, iqtisadiyyat naziri, Azərbaycan Respublikası Hökuməti və Rumıniya Hökuməti arasında elmi-texniki əməkdaşlıq və ticarət-iqtisadi əlaqələr üzrə Müştərək Komissiyanın həmsədri Şahin Mustafayev səfirliyə gələrək Azərbaycan hökuməti adından başsağlığı verib, xatirə kitabına ürək sözlərini yazıb.