Artıq dağlar diyarı Lerik rayonunun əksər kəndlərinə müasir səviyyəli, texnoloji ardıclığa uyğun, dünya standartlardan geri qalmayan yeni avtomobil yolları çəkilib. Dağlara sarı qalxan Piran- Hamarat-Vıjaker və Noda- Şingədulan- Xanagah yollarında olan rahatlıq hər şeyə dəyər. Bir-neçə il bundan qabaq sərt eniş-yoxuşlu dolaylar 3 saata qət olunurdu. İndi isə 78 yaşayış məntəqəsini birləşdirən bu asfalt yollarla mənzil başına çatmaq heç 40 dəqiqə çəkmir. Həm də Lerikin təbii gözəlliklərə daha bir məftunluq qatır yeni yollar.
Lerikdə yol tikintisi davam edir. Belə ki, Lənkəran- Lerik avtomobil yolu yenidən tikilir. Əlverişli keçən günlərdən səmərəli istifadə edən inşaatçılar yolda can-başla çalışırlar. Onu da bildirim ki, 2005-ci ildə Prezident İlham Əliyev dağlar diyarına səfəri zamanı ümumi uzunluğu 55 kilometr olan yolu istifadəyə verməklə onu rayonun yaranmasının 75 illiyinə hədiyyə edir.
13 il fasiləsiz istifadə olunduğu üçün, eləcə də dağlarda baş verən uçqunlar nəticəsində yolun bəzi hissələri yararsız hala düşmüşdü. Bu il rayonda səfərdə olan ölkə başçısı bütün bunları görür və Lənkəran-Lerik avtomobil yolunun yenidən bərpasını vacib sayır, görüləcək işlərdən ötrü Azərbaycan Avtomobil Yolları Dövlət Agentliyinə 9,2 (doqquz milyon iki yüz min) manat ayırır.
Yolun yenidən yüksək keyfiyyətlə tikməsinə xüsusi diqqət yetirilir. Onun aktiv sürüşmə əraziləri nəzərə alınmaqla yatağında bərkitmə işlər görülür və yolda olan sərt döngələr genişlənir. Burada xeyli ağır texnika işləyir. Buda onu göstərir ki, yolun tezliklə tikilməsi üçün hər bir imkan yaradılıb.
Zəfər Orucoğlu,
Azərbaycan Jurnalistlər Birliyinin üzvü