Rusiyanın energetika naziri Aleksandr Novak pomidor idxalına dekabrın 1-də başlamaq barədə Türkiyə tərəfi ilə razılıq əldə olunduğunu bildirib.
AZƏRTAC Anadolu informasiya agentliyinə istinadla xəbər verir ki, Rusiyanın Soçi şəhərində keçirilən tədbirdə çıxış edən Novak Türkiyənin 4 şirkətindən 50 min ton pomidor idxal ediləcəyini deyib.
Rusiya Baş nazirinin köməkçisi Arkadi Dvorkoviç isə öz növbəsində Türkiyədən pomidor idxalının dekabr-aprel aylarını əhatə edəcəyini bildirib.
Aqrar sektordakı inkişafın oktyabrın 21-də Tatarıstanın paytaxtı Kazanda Rusiya-Türkiyə Hökumətlərarası Komissiyasında müzakirə olunacağı gözlənilir.