İranın mədəniyyət və islami irşad nazirinin media məsələləri üzrə müavini Hüseyn İntizami gələn həftə Bakıya səfər edəcək.

İranın Azərbaycandakı səfirliyindən "Report"a verilən məlumata görə, nazir müavini Bakıya iyulun 1-də gələcək.

Səfər zamanı nazir müavini Azərbaycan rəsmiləri, media təşkilatlarının rəhbərləri, habelə azərbaycanlı jurnalistlərlə görüşlər keçirəcək.

Nümayəndə heyətinin tərkibinə İranın bir sıra KİV-inin rəhbərləri və nümayəndələri, eləcə də XİN-in keçmiş mətbuat katibi Həmidrza Asəfi daxil olacaq.