Londonun  “Faroe Petroleum PLC” neft-qaz şirkəti  Şimal dənizində yerləşən “Rungne” kəşfiyyat quyusunda  kəşfiyyata başlayıb. Şirkət sözügedən  quyuda 40% payın sahibidir. Quyu orta Yura yaşlı “Oseberg”, “Etive” və “Ness” formasiyalarını hədəfə alıb. “Rungne”  şaquli istiqamətdə qazılıb və  ümumi dərinliyi 3490 metrdir.

“İki sahil” morningstar.co.uk  saytına istinadən xəbər verir ki, qazma əməliyyatları  “Transocean Arctic” yarımdalma qazma qurğusu vasitəsi ilə aparılıb.  “Faroe” şirkətinin baş icraçı direktoru Graham Stewart quyuda  aktiv kəşfiyyat işlərinin aparıldığını, növbəti 12 ay ərzində 6 kəşfiyyat və 1 qiymətləndirmə quyusu qazmaq niyyətində olduqlarını və quyulardan şirkətin gündəlik 80-150 milyon barrel  ehtiyat əldə edəcəyini proqnozlaşdırdığını bildirib. 

Əlavə olaraq qeyd edək ki, qazılacağı nəzərdə tutulan qiymətləndirmə quyusu  nəhəng “Iris-Hades” kəşfində yerləşir və “Faroe” üçün  çox yüksək nəticə verəcək.