St. Cloud Yanğınsöndürmə Departamentindən verilən məlumata görə,  ABŞ-ın  Sartel şəhərində  yerləşən “Fouquette Avto” servisində baş verən partlayış nəticəsində  550 qallon  neft  sızaraq  kanalizasiyaya tökülüb. Nümayəndə heyəti yanğın baş verən əraziyə gələrək ətrafa sızan neftin qarşısını almağa çalışıb. Təmizləmə işlərinə baxan rəhbərlik də əraziyə çağırılıb. Yanğın ayın 11-i gecə saat 23:15-də başlayıb və yanğına səbəb çəndəki neft olub.  Servis sahibi hadisə zamanı  salonda olub və yanacağın  salondakı döşəməyə töküldüyünü,  özünün isə pəncərədən çölə çıxdığını bildirib.

“İki sahil” “sctimes.com” saytına istinadən xəbər verir ki,  yanğın  sahibkara 450.000  dollar ziyan vurub, belə ki partlayışdan ətrafdakı  binalara və mülklərə güclü ziyan dəyib.