26 fevral 2021 18:05
790

Bu konfrans beynəlxalq medianın Prezident İlham Əliyevə olan diqqətinin bir nümunəsidir

Bu konfrans beynəlxalq medianın Prezident İlham Əliyev, Azərbaycan və onun uğurlarına olan diqqətin bir nümunəsidir.

“İki sahil” xəbər verir ki, bunu Prezidentin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

H.Hacıyev bildirib ki, Prezident İlham Əliyev tərəfindən 4 saatdan çox davam edən konfransda dünyanın 35-dən çox media oqanının 50-yə yaxın sualı cavablandırıldı:

"Çox əhatəli suallar idi, cənab Prezident tərəfindən dəqiqliklə, məntiqlə bu sualların hamsı ardıcıllıqla cavablandırıldı. Bu, Azərbaycanın beynəlxalq informasiya məkanında növbəti əzəmətli qələbəsidir. Bir amili də nəzərə almalıyıq ki, bu mətbuat konfransının keçirilməsi Xocalı faciəsinin 29-cu ildönümünə təsadüf edir. Konfrans beynəlxalq media vasitəsilə Xocalı həqiqətlərini geniş formada dünya ictimaiyyətinə çatdırmış oldu. Bu konfrans ölkəmizin həqiqətlərinin beynəlxalq ictimaiyyətə çatırılmasında növbəti vacib qələbəmizdir".

Qeyd edək ki, fevralın 26-da Azərbaycan Respublikasının Prezidenti İlham Əliyev yerli və xarici media nümayəndələri üçün mətbuat konfransı keçirib.