Gözəl qalmaq hər bir qadının arzusudur. Daima baxımlı və gümrah qalmaq istəyirsinizsə onda mütləq yediyiniz qidalara fikir verin. 

Kətan toxumu yağı

Əgər dəriniz qurudursa onda mütləq   Omeqa-3 yağlarından istifadə etməlisiniz. Məsələn,omega yağları ilə zəngin olan  kətan toxumu yağı dərinizi qidalandıracaq və nəmləndirəcək. Bu təsiri əldə etmək üçün  hər gün 1 xörək  qaşığı kətan toxumu yağını seçiminizə görə salat və yeməklərinizə əlavə etmək məsləhətdir.

Kivi

Siz də Daima gənc qalmağın  sirrini tapan qadınlardan biri olmaq istəyirsinizsə C vitamini deposu olan kividən bolluca istifadə edin. Bu meyvənin sayəsində dərinizdəki kollagen istehsalı artacaq, uzun illər çox sağlam və bir o qədər də gənc görünən bir dəriyə sahib olacaqsınız. Məsələn, məhz Nebahat Çehrə, Sindi Krouford, Ketrin Zeta Cons, Helli Berri, Haydi Klum, Julia Roberts, Demi Mur, Kate Moss kimi  məşhur qadınların yaşlarını müəyyən etməkdə çətinlik çəkməyimizin səbəbi möcüzəvi C Vitaminidir.

Balqabaq tumları

Sızanaqların ən böyük düşmənlərindən biri sink anbarı sayılan balqabaq tumlarıdır. Aparılan son  araşdırmaya görə sızanaqlardan əziyyət çəkənlərin  ən böyük problemi sink çatışmazlığıdır.

Vəzəri

Bir çox qadınların  ən böyük problemi şişkinlikdir. Bu problemi yaşayırsınızsa çalışın çoxlu göyərti istehlak edin. Çox güclü bir antioksidan olan və bol miqdarda dəmir ehtiva edən vəzəri üzünüzdəki şişkinliyi aradan qaldıracaq, məsamələrinizin kiçilməsini təmin edəcək və   siz daha parlaq bir dəriyə qovuşacaqsınız.

İspanaq

Parlaq və daha sağlam  gözlərə sahib olmaq  üçün lazımlı olan maddə luteindir.  Bəs görəsən, bu möcüzəvi maddə hansı qidada mövcuddur? Luteinlə zəngin olan ispanaq  gözlərinizi daha sağlam edir.  Sağlamlığınıza  əhəmiyyət verirsinizsə gündə ən az 2 stəkan  ispanaq suyu istehlak etməyə çalışın.

Qoz

Təbiətin bir möcüzəsi sayılan qoz xüsusilə Omeqa-3 yağı ilə zəngindır. Ondan  gündə ortalama 3-4 dənə yesəniz  dəriniz  elastik olacaq və qırışların meydana gəlməsi azalacaq. Qoz saç baxımı üçün də çox faydalıdır. Təzə qozun yaşıl qabıqlarından təxminən on ədədini götürüb, qaynar suda məcun halına gətirib saçlarınıza müalicə olaraq istifadə edə bilərsiniz. Bununla siz  inanılmaz dərəcədə parlaq  və gözəl saçlara sahib olacaqsınız.

Alma

Dişlərinizin daha bəyaz olmasını istəyirsinizsə bol- bol alma istehlak edin. Mütəxəssislər  qeyd edirlər ki, alma xüsusilə dişdəki ləkələri aradan qaldırmağa kömək edir.

Nar

Nar xüsusilə polifenol antioksidan baxımından olduqca zəngin olan bir qidadır. Nar dəridəki qan dövranını nizamlayır və bununla qırışların meydana gəlməsininin qarşısını alar. Gündə bir stəkan nar suyu və ya bir ədəd nar istehlakı gözəlliyinizə gözəllik qatacaq.

Yumurta

Dırnaqlarınızın uzun və daha dayanıqlı olmasını istəyirsinizsə həftədə ən az 3-4 dəfə yumurta istehlak etməlisiniz. Yumurtada olan „biotin“ sayəsində daha sağlam dırnaqlara sahib olacaqsınız.

Təzə paxla

Təzə paxladan bol miqdarda  istifadə etsəniz saçlarınız daha dolğun, sağlam olar.

Zeytun yağı

Zeytun yağı, hüceyrə yenilənməsini sürətləndirir. Güclü bir antioksidandır, Alzheimer xəstəliyinin inkişafının qarşısını alır, hamiləlik dövründə istifadəsi əhəmiyyətlidir . Yaşlanmanın qarşısını alan bu yağ dəriyə və saça inanılmaz gözəllik qatır eyni zamanda, quru dərini canlandıraraq qırışları azaldır.

Samirə Tağıyeva, “İki sahil”