28 sentyabr 2022 07:58
360

Hikmət Hacıyev ABŞ-da Ermənistan Təhlükəsizlik Şurasının katibi ilə görüşüb

Azərbaycan Prezidentinin köməkçisi - Prezident Administrasiyasının Xarici siyasət şöbəsinin müdiri Hikmət Hacıyev ABŞ-da Ermənistan Təhlükəsizlik Şurasının katibi Armen Qriqoryan ilə görüşüb.

“İki sahil” xəbər verir ki, bu barədə tviterdə ABŞ-ın milli təhlükəsizlik müşaviri Ceyk Sallivan yazıb.

"Bu gün birbaşa və konstruktiv danışıqlar üçün Hikmət Hacıyev və Ermənistan Təhlükəsizlik Şurasının katibi Armen Qriqoryanı qonaq etdim. Biz şiddətin qarşısının alınmasının, vaxta bağlı və diqqət mərkəzində olan danışıqların aparılmasının vacibliyini müzakirə etdik. Biz sabit və dayanıqlı sülhə dəstək olaraq irəliyə doğru konkret addımlar da müəyyənləşdirdik", - deyə Ceyk Sallivan qeyd edib.