İqtisadiyyat üzrə 2022-ci il Nobel mükafatı laureatları ABŞ-da yaşayan Ben Bernanke, Duqlas Diamond və Filip Dibviqdir.

Alimlər mükafatı "Banklar və maliyyə böhranları ilə bağlı araşdırmalara" görə alıblar.

"Builki iqtisadiyyat laureatları Ben Bernanke, Dulas Diamond və Filip Dibviq bankların xüsusən də maliyyə böhranları zamanı iqtisadiyyatdakı rolu haqqında anlayışımızı əhəmiyyətli dərəcədə yaxşılaşdırdılar. Nümayəndələr bildiriblər ki, onların araşdırmalarından ortaya çıxan əhəmiyyətli bir nəticə ondan ibarətdir ki, bank uğursuzluqlarından qaçmaq vacibdir.

Xatırladaq ki, “İqtisadiyyat üzrə Nobel” rəsmi olaraq Alfred Nobelin xatirəsinə İsveç Milli Bankının İqtisadiyyat Elmləri üzrə Mükafatı adlanır və 1969-cu ildən verilir.

Ben Bernanke 1953-cü ildə anadan olub və MIT-də təhsil alıb. 2005-2006-cı illərdə ABŞ-da Ağ Evin İqtisadi Məsləhətçilər Şurasının sədri vəzifəsində çalışıb. 2006-2014-cü illərdə ABŞ Federal Ehtiyat Sisteminə rəhbərlik edib.

1953-cü ildə anadan olan Duqlas Diamond hazırda Çikaqo Universitetində maliyyə professorudur.

Nubar Süleymanova, “İki sahil”