Avstraliyanın şimalında yerləşən Yeni Qvineya adasında Anqu adlı vəhşi qəbilə yaşayır. Təcrid olunmuş bu xalq sivilizasiyadan çox uzaqdır. Onlar nəinki digər qonşu tayfaları tanımır, hətta bütün yad insanları qəddar düşmən hesab edirlər. Qəbilə üzvləri, həmçinin qısa boyları ilə tanınırlar. 160 sm-dən artıq onlar üçün böyük göstərici hesab olunur.
Uzun müddət ərzində anqular həddindən artıq aqressivliyi və qəddarlığı ilə məşhur olublar. Onların ərazilərinə girən hər hansı bir insan soyuqqanlılıqla öldürüldükdən sonra bişirilir və yeyilir.
Məlumdur ki, hazırda anqular adamyeyənliklə məşğul olmurlar, lakin qəbilə sakinləri digər vəhşi rituallarını qoruyub saxlayıblar.
Bəzən anqular mərmi, bal və digər malları dəyişdirmək üçün onları müəyyən bir yerə aparmaq üçün adanı tərk edirlər. Tacirlər, öz növbəsində onlardan lazım olanı götürür, əvəzində isə qəbilə sakinlərinə ədviyyatlar, duz, kibrit, boyalar verirlər.
Bu qəbilənin qəribə bir ritualı var. Onlar ölən insanları dəfn etmirlər, mumiyaya çevirərək saxlayırlar. Bunun üçün ölən insanı bir ay odların tüstüsündə saxlayırlar. Əvvəlcə cəsədin bədənindən parçalanmaya səbəb ola biləcək bütün mayelər çıxarılır, mədəsi bambuk borularla deşilir, diz və dirsək oynaqları kəsilir. Bu proses xüsusi seçilən insanlar tərəfindən həyata keçirilir.
Mərhumun bədənində yığılan mayeləri onun qohumlarına göndərirlər ki, onlar da bunu dəri və saçlarına tətbiq edərək sevdikləri insanın gücünü və hikmətini almış olsunlar.
Qurutma prosesi başa çatdıqdan sonra meyit xüsusi ot ilə örtülür. Beləliklə, mumiya nəmin zərərli təsirindən, həmçinin həşərat və quşlardan qorunur. Sonra insan mumiyası budaqlardan düzəldilmiş xüsusi kresloya bərkidilir və dağlara aparılaraq digər mumiyaların yanına qoyulur. Anqu qəbiləsinin sakinləri inanırlar ki, ölülər dünyasına gedənlər diriləri yuxarıdan seyr edəcək və onları qoruyacaqlar.
Zamanla, açıq havada qalan mumiyalar xarab olduğu halda mumiyanı qızdırılan ağac şirəsindən hazırlanmış xüsusi yapışqanla bərpa edirlər.
Samirə Tağıyeva, “İki sahil”
