ABŞ və Avropa İttifaqı universitetlərindən olan alimlər müştərək tədqiqatlar nəticəsində orqanizmin cavanlaşmasına və ömrün uzanmasına səbəb olan qidaların siyahısını dərc etmişlər.  

Badam

Badam qandakı pis xolestrol olan(LDL)-i 4 dəfə azaldır. Bunun üçün mütləq hər gün 30 qr badam yemək məsləhətdir.

Qəhvə

Gündə 2 fincan qəhvə,əsasən də orta yaşlardan sonra Parkinson və Tip-2 Diabetə qarşı bədəni qoruyurmuş.Qəhvədə olan kafein maddəsi diabetə tutulma riskini 35% azaldır.

Ancaq qəhvəni mütləq kalsiyum deposu olan südlə için ki,kafein sümüklərinizi zəiflətməsin.

Darçın

Qanda şəkərin miqdarını nizamlayır. Hər yeməkdən sonra içərisində darçın olan şirin bir şey yeyin. Əgər yeməkdən sonra şirin şey istəməsəniz,onda 1 çay qaşığı darçını suya qataraq için.
Darçın həm də sinir sistemini sakitəşdirir.

Kartof

Antioksidantlar içərisində ən zəngin qidalardan biridir.100 antioksidan arasında 17-ci yerdə gəlir. Ağciyər xərçəngi,diabet və infarkta qarşı qoruyucudur.

Ancaq kartofu qızartmaq yerinə  qaynadıb və ya sobada bişirib yemək daha faydalıdır.

Zeytun yağı

Xərçəng riskini azaldır. Gündə 25 ml zeytun yağı istifadə edən insanların  hüceyrələrinə   zərər verən "8oxodG" adlı maddənin səviyyəsi azalırmış. Zeytun yağı, həmçinin  yaxşı xolestrol olan (HDL) -nun artmasına təsir edərək ürəyi qoruyur.1 yemək qaşığı zeytun yağında 120 kalori vardır. Gündə 6 qaşıqdan çox zeytun yağı yemək məsləhət deyil.

Yaşıl və qara çay

İstər yaşıl,istərsə də qara çay xərçəng əleyhinə gözəl vasitədir. Qeyd edək ki, çayın qadınlarda uşaqlıq xərçənginin qarşısını alması məlumdur.

Samirə Tağıyeva “İki sahil”