"Bavariya" Tomas Tuheli baş məşqçi kimi təqdim edib. 

“İki sahil” xəbər verir ki, 49 yaşlı mütəxəssilə 2025-ci ilin yayına qədər müqavilə imzalanıb. 

İmzalanma mərasimində Tuhel deyib: “Bavariya” ilə müqavilə imzalamaq böyük şərəfdir. Mən Oliver Kan, Hasan Salihamidziç, Herbert Hayner və Uli Henessə etimada görə təşəkkür edirəm .

Bir müddət xaricdə işləsəniz belə, "Bavariya"nın əhəmiyyətini daha da dərk edirsiniz. Klubun DNT-si işdədir. “Bavariya”da əsas olan qələbələrdir. Bu komanda Avropanın ən istedadlı və ən yaxşılarından biridir. Mən  komanda ilə işləməyi səbirsizliklə gözləyirəm”.

Qeyd edək ki, Tuhel bu vəzifədə istefaya göndərilən Yulian Naqelsmannı əvəzləyib.