Tovuzda sahibkarların təbii qazla bağlı problem və təklifləri dinlənilib

 SOCAR-ın «Azəriqaz» İstehsalat Birliyinin Şəmkir Regional Qaz İstismar İdarəsinin (RQİİ) rəhbərliyi Tovuz rayonunun Dönük Qırıqlı kəndində keçirilən »Açıq mikrofon» aksiyası zamanı mikrofon sahibkarların təbii qazla bağlı problem və təkliflərini dinləyib. Sahibkarlar  2023-cü ildə bu il də yaranan borcun hissə-hissə ödənilməsi üçün güzəşt olunmasını xahiş ediblər.Şəmkir  RQİİ-nin məsul şəxsləri Birlik tərəfindən sahibkarlığın inkişafına dəstək olmaq məqsədi ilə qurumun səlahiyyətləri çərçivəsində sahibkarlıq subyektlərinə lazımi dəstəyin göstəriləcəyini qeyd ediblər. Görüşdə Birlik rəsmiləri ilə yanaşı, KOBİA-nın məsul şəxsləri də iştirak ediblər.

Qeyd edək ki, «Azəriqaz» İB-in rəhbərliyi ölkədə sahibkarlığın inkişafına dair Prezident İlham Əliyevin tapşırıq və göstərişlərinə uyğun olaraq daim iş adamlarına dəstəyini göstərib.

Elçin Zaman, «İki sahil»