SOCAR-ın “Azəriqaz” İstehsalat Birliyi ilə “Gəncə Cihazqayırma Zavodu” ASC arasında müqavilə imzalanıb.

“İki sahil” xəbər verir ki, imzalanma “Azəriqaz” İB-nin keçirdiyi "Açıq qapı" aksiyası çərçivəsində baş tutub.

Sənəd “Azəriqaz”ın baş direktoru Ruslan Əliyev və ASC-nin icraçı direktoru Ayət Bağırov tərəfindən imzalanıb.

Müqavilə “Azəriqaz”ın “Gəncə Cihazqayırma Zavodu” tərəfindən yerli istehsal olan qaz sayğacları ilə təmin edilməsini nəzərdə tutur.