“Flydubai” şirkəti Dubaydan uçan bütün reysləri aprelin 17-dək şəhərin hava limanında fəaliyyətini dayandıran güclü yağışlar səbəbindən ləğv edib.

“İki sahil” xəbər verir ki, bu barədə “TASS”a aviaşirkətin nümayəndəsi məlumat verib.

“Bu gün, aprelin 16-da axşam Dubaydan uçması planlaşdırılan bütün “Flydubai” reysləri aprelin 17-si yerli vaxtla saat 10:00-a qədər təxirə salınıb. Bu müddət ərzində son təyinat yeri Dubay olmayan sərnişinlərin uçmasına icazə verilməyəcək”, - məlumatda deyilir.