Bir insanın mübahisəli fikirləri olduqda mütəxəssislər bunu obsessiv-kompulsiv pozğunluq adlandırırlar. Lakin bir ərazidə çox və ya bir qrup insan bunu etdikdə, bu, “mədəni xurafat” hesab olunur. Dünyada demək olar ki, bütün ölkələrin sakinləri tərəfindən bilinən bir çox özünəməxsus xurafatlar var. Bu yazıda siz müxtəlif mədəniyyətlərə aid qəribə xurafatları haqqında məlumatlar əldə edəcəksiniz.

Masanın üstündə boş şüşə

Daha çox Rusiyada insanlar masanın üzərindəki boş şüşənin yoxsulluğun və bədbəxtliyin başlanğıcını simvolizə etdiyinə inanırlar. Amma başqa versiya da var. Bu versiyaya görə, adəti 1812 - 1814-cü illər hərbi yürüşdən sonra Fransadan qayıdan kazaklar gətiriblər. O günlərdə parisli ofisiantlar qonaqların stolun üstündə qoyduqları boş şüşələri sayaraq hesab açırdılar.

Taxtanı döyəcləmək

Bu xurafat da bədbəxtlikdən qorunmaq üçün dünyada bir çox insanlar tərəfindən tanınır və tətbiq edilir. Bu təcrübə orta əsrlərdə Avropada yaranıb. Bəzi kahinlər taxtanın Məsihin çarmıxının fraqmentləri olduğunu iddia edirdilər və ona toxunmaq lənətləri yox etməyə xidmət edirdi.

Dovşan

Böyük Britaniya və Şimali Amerikada insanlar hər ayın 1-i səhəri "dovşan, dovşan" deməyə vərdiş ediblər ki, uğurlar qazansınlar. Alimlər bunun dovşan xəzinə bənzəyən tüstü haqqında Şimali Amerika yerli əfsanəsindən qaynaqlandığını ehtimal edirlər.

Torpaq üstündə çanta

Bu, Braziliyada ən məşhur və geniş yayılmış xurafatlardan biridir: Çantanı yerə qoysan, pul itirəcəksən. Ölkədə kiminsə çantasını yerə qoymasını nadir hallarda görmək olar. Onu qucağında, stolun üstündə və ya stuldan asılmış vəziyyətdə qoymağa üstünlük verirlər. Əlbəttə ki, cüzdanınız və ya çantanız təsadüfən yerə düşərsə, bu pis əlamət sayılmır. Braziliyada başqa bir gülməli xurafat da var. Evinizdə qonaqpərvərliyinizdən sui-istifadə edən qonağınız varsa, qapının ağzına süpürgə qoymalısınız, bu zaman o gedəcək.

Baş barmaqları gizlətmək

Yaponiyada “baş barmaq” sözü həm də “valideyn barmağı” mənasında olduğundan yaponlar qəbiristanlığın yanından keçəndə baş barmaqlarını gizlədir və bununla da valideynlərinin ölümünün qarşısını aldıqlarına inanırlar.

Su ilə sağlıq demək

Yunan mifologiyasında deyilir ki, insanlar öldükdən sonra cəhənnəm səltənətinə gedirlər və Lete çayının sularını içməli olurlar, bununla da bütün keçmiş həyatlarını unudurlar. Bu fikir Almaniyada bir inanca çevrilib və buna görə də almanlar bədbəxtlikdən, hətta ölümdən qaçmaq üçün heç vaxt su ilə dolu badəni qaldırıb sağlıq demirlər.

Saqqallı qadınlar

Afrika ölkəsi Ruandada qadınların keçi əti yeməsinə icazə verilmir. Çünki xurafata görə, bu, onların üzündə tüklərin uzanmasına və inadkar olmasına səbəb ola bilər.

4 rəqəmi

Dörd rəqəminin Çin dilində tələffüzü ölüm sözünün tələffüzünə çox bənzəyir. Ona görə də çinlilər çox vaxt bu rəqəmdən qaçırlar.

Sarı çiçəklər

Bu xurafatın başlanğıcı Şərqdən gəlib. Qədim əfsanələrdən birinə görə, qırmızı çiçək vəfasız arvadın əlinə düşdükdən sonra sarıya çevrildi və buna görə də sarı çiçəklər zina ilə əlaqələndirilməyə başlanıldı.

Ölümcül sərinkeş

Cənubi Koreyada inanırlar ki, hər hansı bir sərinkeşlə yatsan, ölə bilərsən. İddialara görə, cihaz hipotermiyaya, bədəndə su itkisinə, hətta boğulmalara səbəb olur. Onlar sərinkeşdən yox, istidən ölməyi üstün tuturlar.

Cülyettaya məktublar

Romeo və Cülyettanın faciəvi hekayəsindən ilhamlanan insanlar 14-cü əsrdə muzeyə çevrilmiş Cülyettanın evinin eyvanını ziyarət etmək üçün Verona şəhərinə axışırlar. İnsanlar Cülyettanın onlara sevgidə uğur gətirəcəyinə ümid edərək ona məktublar yazırlar.

Baş barmağın fırladılması

İstanbulda insanlar Ayasofya muzeyinə getmək və Arzu sütununu ziyarət etmək üçün növbəyə düzülür. Bu, insanların şanslarını cəlb etmək üçün baş barmağını içəriyə salaraq saat əqrəbi istiqamətində çevirmək üçün yaxınlaşdıqları girintili tunc sütundur.

On iki növ üzüm

İspaniyada yaranan bir ənənəyə görə, Yeni il işıqları yandırılanda insanlar ilin aylarını təmsil edən 12 növ üzüm yeyirlər. Onlar inanırlar ki, bu, bütün il üçün uğur gətirir.

Nubar Süleymanova, “İki sahil”