Rusiyanın Krasnodar diyarındakı Durso ferması ərazisində baş verən yanğının sahəsi 51 hektara çatıb.

“İki sahil” xəbər verir ki, bu barədə rayon üzrə Təbii Sərvətlər Nazirliyi məlumat yayıb.

TASS-ın məlumatına görə, Novorossiyskdə fövqəladə vəziyyət rejimi tətbiq edilib.

Bildirilib ki, yanğın bəzi ərazilərdə 17 m/s-ə çatan güclü külək nəticəsində çətinləşib.

Rusiya Fövqəladə Hallar Nazirliyinin aviasiyası meşə yanğınını söndürərkən 75 ton su buraxıb. “Rusiya Fövqəladə Hallar Nazirliyinin aviasiyası meşə yanğını zonasında işlərini davam etdirir”, - deyə mətbuat xidməti bildirib.

Krasnodar diyarındakı Durso fermasının ərazisində yanğın iyulun 14-də günortadan sonra başlayıb. Məlumata görə, meşə və otları bürüyən yanğının sahəsi 3 hektar olub. Sonralar yanğının əhatə dairəsi genişlənib.

Məhərrəm Ağalaroğlu, “İki sahil”